مدونه تـــــ ـستاردول ــــــــوتى

لفت انتباهي ان كتير من البنات مش بيعرفو كتير عن

نقاط العبي واكسبي اللي بتدي لينا 5 ستاردولارز يوميا

فحبيت اشرح ليهم علشان اوضح اكتر

ستاردول قررت من فتره انها تخلي العبي واكسبي تكسبك 70 ستاردولارز شهريا

دي طبعا متاحه لكل الاعضاء

بس بشرط ان الاعضاء يكونو مفعلين حساباتهم اللي سجلو بيها في ستار دول

سواء كانت بقى ياهو او هوت ميل او جي ميل او غيرها

كل واحد حسب ايميله

لازم يتم تفعيل الحساب علشان تقدري تاخدي ال70 ستاردولارز

طيب ال 70 ستاردولارز دول بناخدهم ازاااي ؟؟؟

عن طريق5 حاجات بتعمليهم كل يوم

1- التصويت لفتاة الغلاف

2- التصويت للالبوم

3- التصويت للمشهد

4- التصويت لافضل زي

5-التصويت لأفضل تصميم

وطبعا بيتم تقسيمهم بحد اقصى 5 ستاردولارز يوميا

يعني ماتقدريش تاخدي اكتر من 5 ستاردولارز في اليوم

لكن ممكن تاخدي اقل (اذا عملتي خطوات اقل من الـ5)

وتحتفظي بالباقي لتاني يوم

طيب لما يتم التصويت الفلوس بيروحو فين؟؟؟؟

اهي الصوره دي توضح لكوا

دي قبل تجميع النقاط

طيب سؤال

هم ليه مقسمين الفلوس لجانبين؟؟؟

الجانب اليمين ده بيتضاف فيه 4 دولارز من ال5

ولازم تصرفيهم خلال اليوم

والا هتروح عليكي يعني لو سيبتيها لتاني يوم مش هتلاقيها

والواحد دولار اللي باقي من ال5 بيتضاف للجانب الشمال

وده ممكن يتم الاحتفاظ بيه يعني ممكن ما تصرفيهوش في نفس اليوم

يعني تقدري تحوشي الفلوس عن طريق تجميع 1دولار كل يوم

وتصرفي 4 بس يوميا

وطبعا لو عملتي ال 5 خطوات دي كل يوم ده معناه ان الـ70 ستاردولارز يخلصو في مدة 14 يوم

وبعد ما يخلصو هتضطري تستني للشهر الجديد علشان ينزل الـ70 الجديده

هتلاقو تفاصيل معلومات النقاط اليوميه في ستاردول بالصفحه دي

http://www.stardoll.com/ar/account/?show=pte

ودي صوره توضيحيه

رقم 1 بيشير الي الدولارز اللي حصلتي عليها شهريا من الـ70
رقم 2بيشير الي الدولارز اللي حصلتي عليها يوميا من الـ5
رقم 3 ده عداد تنازلي
ودي الفتره اللي المفروض انك خلالها تصرفي الـ4 دولارز
يعني لو الوقت ده وصل للصفر منغير ماتصرفيهم يعني الـ4 دولارز راحو عليكي

وأخيرا لما بتخلصي تجميع كل الـ70 ستاردولارز
ستاردول بتبعتلك هدية عروسه زي دول

بس

اتمنى اكون قدرت اوصل المعلومه للي مش عارفاها

اذا كنتي محتاجه توضيح اكتر اسأليني في التعليقات

منقول من المدونه المصريه ستاردول بس فكره حلوه

الى اللقاء